Өлкөдө кызамыкка чалдыккандардын саны 8 миң адамга жакындады

Кыргызстанда кызамык менен ооругандардын саны акыркы маалыматтар боюнча 7 миң 864кө жетти. Бул тууралуу бүгүн, 12-апрелде Республикалык иммунопрофилактикалык борборунан билдиришти.

Маалыматка таянсак, Бишкек шаарында 2 миң 599 учур, Ош шаары боюнча 464 адам, Ош облусунда 1 226, Баткен облусунда 214, Чүй облусунда 1 836, Жалал-Абад облусунда 1196, Ысык-Көл облусунда 130, Талас облусунда 105 жана Нарын облусунда 94 учур катталды.

Белгилей кетсек, кызамык оорусу Бишкек, Чүй аймактарында жана Жалал-Абад облусунда эң көп катталууда.

Автор: Бурул Турусбекова
Фото: Интернеттен алынды