Бүгүн борбор калаада ысык суу өчүрүлөт

Бишкек шаардык мэриясынын маалыматына ылайык, калаада бүгүн, 22-апрелден 1-июнга чейин ысык суу өчүрүлөт. Тиешелүү буйрукка калаа башчысы Айбек Жунушалиев 18-апрелде кол койгон.

Белгилей кетсек, мындай иш-чаралар жыл сайын жүргүзүлүчүү профилактикалык жана оңдоо жумуштарын ишке ашыруу максатында өткөрүлүп келери маалымдалган.

Эскерте кетсек, бүгүн Бишкектеги жылуулук түйүндөрүндө пландуу гидравликалык сыноолор жүргүзүлөт.

"Регламентик сыноолорду өткөрүү жылуулук берүү мезгилинде керектөөчүлөрдү ишенимдүү жылуулук менен камсыз кылуу үчүн зарыл, сыноолорду жүргүзүү учурунда түтүктөр жарылып, жолдордун катмарынын бузулушу жана жылуулук тармактарынын аймагында жайгашкан аймактарды суу каптап кетиши мүмкүн.

Ушул себептен, жарандарды жана транспорт каражаттарынын айдоочуларын жолдордо этият болууга чакырабыз", - деп жазылат маалыматта.