Талас районуна өзгөчө кырдаал режими киргизилди

Талас районунун аймагына өзгөчө кырдаал режими киргизилди. Маалыматты Өзгөчө кырдаалдар министрлигинен тастыкташты.

Маалыматка ылайык, райондун Кең-Кол айыл аймагынын Ак-Жар айылын, Беш-Таш айыл аймагынын Көк-Кашат айылын жана Чоң-Алыш айыл аймагынын Кара-Суу айылында сел жүргөн. Селдин кесепетинен 250 турак жай, короо-сарайлар, ички чарбалык жолдор, 1 көпүрө жабыркаган.

Учурда сел катталган аймактарда Талас райондук ЖК комиссиясы тактоо иштерин жүргүзүүдө.

Белгилей өтсөк, 22-апрелде Талас районунун айрым айылдарында катуу жааган жаандан улам сел жүргөнү маалымдалган.

Эске салсак, кечээ, 22-апрелде Ош облусуна селден улам өзгөчө кырдаал режими киргизилген болчу.