Шакиевдин Монголиядагы расмий сапары башталды

Бүгүн, 23-апрелде Жогорку Кеңештин төрагасы Нурланбек Шакиевдин Монголиядагы расмий сапары башталды.

Парламенттин басма сөз кызматынан билдиргендей, аны Улан-Батор шаарындагы "Чыңгыз хан" аба майданынан Монголиянын Улуу Мамлекеттик Хуралынын (парламентинин) төрагасынын орун басары Лхагва Мунхбаатар тосуп алды.

Андан соң расмий делегация мамлекеттик сарайга бет алды. Ал жерде Монголиянын парламентинин төрагасы Гомбожавын Занданшатар менен жолугушары күтүлүүдө.

Белгилей кетсек, Шакиевди депутаттар Улан Бакасов, Надира Нарматова, Чыңгыз Ажибаев, Эрулан Кокулов, Айсаракан Абдибаева, Нурбек Алимбеков, Мейкинбек Абдалиев, Чыңгыз Айдарбеков, Алишер Козуев коштоп жүрөт.