Ала-Бука районунун Ала-Бука дарыясынын нугун тереңдетүү жана жээгинин 700 метр аралыгын бекемдөө иштери жүргүзүлдү. Бул тууралуу бүгүн, 30-апрелде ӨКМден билдиришти.
Маалымдалгандай, аталган аймактагы кооптуулукту жоюу үчүн жыл башында министрликке сунушталып, ӨКМден бир оор инженердик техника бөлүнүп, күйүүчү май менен камсыздалган.
"Аткарылган жумуштардын натыйжасында Сапалак-Сай айылындагы 87 турак үй, 950 метр ички чарбалык жол сел кооптуулугунан толугу менен корголду", - деп айтылат маалыматта.