Президент Талантбек Имановго эскертүү берди

Президентке караштуу Инвестициялар боюнча улуттук агенттиктин директору Талантбек Имановго эскертүү берилди. Бул боюнча өлкө башчынын администрациясы бүгүн, 30-апрелде маалымдады.

Тиешелүү тескемеге президент Садыр Жапаров кол койгон.

"Тапшырылган эмгек милдеттерин тийиштүү түрдө аткарбагандыгы үчүн президентке караштуу Инвестициялар боюнча Улуттук агенттиктин директору Иманов Талантбек Орускуловичке эскертүү берилди" - деп айтылат маалыматта.

Эске салсак, буга чейин 25-апрелде Министрлер кабинети бир катар мамлекеттик органдардын жетекчилерине тартиптик жазалар берилгенин маалымдаган. Анда Иманов эскертүү алганы кабарланган.

Автор: Айжанар Рыспек кызы
Фото: Интернеттен алынды