Чүйдө жол инспекторлору бейтапты ооруканага жеткирүүгө көмөк көрсөтүштү

Чүйдө жол инспекторлору бейтапты ооруканага жеткирүүгө көмөк көрсөтүштү. Бул тууралуу Чүй ОИИББине караштуу Жол кыймылынын коопсуздугун камсыздоо башкармалыгынан билдиришти.

Билдирмеге ылайык, окуя кечээ, 29-апрель түндө болгон.

Жол инспекторлору Чүй облусунун аймагында жол кырсыктарын алдын алуу жана болтурбоо максатында “Рулда” аттуу рейддик иш-чарасы өтүп жаткан учурда Ауди үлгүсүндөгү унааны тозушкан. Анда айдоочу ичине жүргүнчү катары бара жаткан айымдын ден соолугу начарлаганын билдирген. Кызматкерлер бейтапты Республикалык оорукананын хирургия бөлүмүнө коштоо менен жеткиришкен.