Бишкекте 7-кабаттан 45 миң сомдук велосипедди уурдаган шектүү кармалды

Бишкекте уурулукка шектелген жаран кармалды. Бул тууралуу Биринчи май РИИБинен билдирди.

Маалыматка ылайык, 14-апрелде милицияга шаар тургуну арыз менен кайрылган. Ал ошол эле күнү саат 17:00 чамасында Абай көчөсүндө жайгашкан көп кабаттуу үйдүн 7-кабаттынын кире беришинен 45 миң сомдук STERN үлгүсүндөгү велосипеддин уурдатканын айткан.

Аталган факты боюнча Кылмыш-жаза кодексинин 205-беренесине (уурдоо) ылайык кылмыш иши козголгон.

Кылмышка шектүү катары 2003-жылы туулган жаран кармалып, убактылуу кармоочу жайга киргизилген.

"Тергөөнүн жүрүшүндө милиция кызматкерлери тарабынан мурда уурдалган велосипед табылган, буюм далил катары алынды", - деп айтылат маалыматта.

Автор: Кылымбек Бейшеев
Фото: Биринчи май РИИБ