Аламүдүн районунда кызганычтын айынан мурунку аялына жана өгөй уулуна физикалык жактан зомбулук көрсөтүп келген киши кармалды. Бул тууралуу кечээ, 23-майда Чүй облустук ИИБинин маалымат кызматы билдирди.
Маалымдалгандай, 37 жаштагы аял киши райондук милицияга арыз менен кайрылган.
“Эркек киши кызганычтан улам, алкоголдук ичимдигин ичип алып систематикалык түрдө аялга жана 2010-жылы туулган өгөй баласына зомбулук көрсөтүп, ур-тепкиге алып келген", - деп айтылат маалыматта.
Бул факт боюнча “Уруп-сабап, кыйноо” беренеси менен кылымыш иши козголгон. Анын негизинде 1991-жылы туулган жаран кармалып, 2 айга убактылуу кармоочу жайга киргизилген.
Учурда иликтөө иштери жүрүп жатат.