Кечээ, 25-майда Жалал-Абад облусунун Сузак районунун 1974-жылы туулган тургуну Акбала Нурдинов ТикТок социалдык баракчасында "Батл" оюнун ойноп жатып өзүнүн заарасын ичип жаткан видеосу тараган. Бул тууралуу Жалал-Абад ОИИБинен билдиришти.
Маалымдалгандай, бул боюнча Акбала Нурдинов өзүнүн заарасы эместигин, ал алдын ала даярдап койгон зааранын түсүнө окшош суусундукту ичкендигин айткан. Ошондой эле ал мындан ары мындай терс көрүнүштөр кайталанбай тургандыгын айтып, кечирим сураган.
Учурда бул фактыга юридикалык баа берүү максатында Сузак РИИБи тарабынан текшерүү иштери жүргүзүлүп жатат.