Баткендин Көк-Таш айылында түндө өрт чыкты

Бүгүн, 28-май күнү түнкү саат 3:18де Баткен районунун Ак-Сай айыл аймагынын Көк-Таш айылында турак үйдөн өрт чыкты. Бул тууралуу Өзгөчө кырдаалдар министрлигинен билдиришти.

Жерине саат 3:20да Баткен райондук өзгөчө кырдаалдар бөлүмүнүн Ак-Сай айылындагы №106 өрткө каршы куткаруу бөлүгүнөн 1 күжүрмөн эсеп, саат 3:52де кошумча күч катары Самаркандек айылындагы. №31 өрткө каршы куткаруу бөлүгүнөн 1 күжүрмөн эсеп тартылды.

Таңкы саат 4:15те курчоого алынган тилсиз жоо саат 5:12де толугу менен өчүрүлдү. Бактыга жараша адам өмүрүнө зыян келген эмес.

Учурда өрттүн келип чыгуу себептери жана келтирилген материалдык чыгымдар такталууда.

Автор: Азат Бейшенбеков