Баймурза Маатов башкы прокурордун биринчи орун басары болуп дайындалды. Бул тууралуу бүгүн, 8-июнда президенттин басма сөз кызматынан билдирди.
"Президент Садыр Жапаров кол койгон буйрукка ылайык, Маатов Баймурза Турдахунович башкы прокурордун биринчи орун басары болуп дайындалды", - деп айтылат маалыматта.
Мунун алдында эле башкы прокурордун биринчи орун басары Улукбек Султанов кызматынан бошотулганы кабарланган.
Белгилей кетсек, 5-июнда башкы прокурор болуп Максат Асаналиев дайындалган.