Жогорку Кеңештин Социалдык саясат боюнча комитети эмгек, социалдык камсыздоо жана миграция министри кызматына Жылдыз Полотованын талапкерлигин жактырды.
Полотованын талапкерлиги комитеттин бүгүн, 10-июндагы жыйынында талкуусуз жактырылды. Эми анын талапкерлиги Жогорку Кеңеште каралат.
Белгилей кетсек, 7-июнда Жылдыз Полотова эмгек, социалдык камсыздоо жана миграция министринин милдетин аткаруучу болуп дайындалган болчу.
Буга чейин аталган кызматты Гүлнара Баатырова аркалап келген. Ал башка кызматка өткөндүгүнө байланыштуу ээлеген кызматынан бошотулган.