Токмок-Прогресс-Кайырма унаа жолун асфальттоо иштери толугу менен аяктады

Чүй облусуна караштуу Токмок-Прогресс-Кайырма унаа жолуна асфальт төшөө иштери аяктады. Бул тууралуу бүгүн, 10-июнда Транспорт жана коммуникациялар министрлигинен билдиришти.

Маалымдалгандай, “Кыргызавтожол” мамлекеттик ишканасынын №954 Жол тейлөө мекемеси тарабынан 3 чакырым аралыкка асфальт жаткырылып, жумуштар толук жыйынтыкталды.

"Быйыл негизинен жалпы 15 чакырымды түзгөн Токмок-Прогресс-Кайырма унаа жолунун 0-1, 8-9 жана 11-12-чакырымдар аралыгына 6 сантиметр калыңдыктагы асфальт төшөө иштери каралган", - деп айтылат маалыматта.

Баса белгилей кетсек, жол бардык нормаларга жооп берет.

Автор: Максуда Кудайбердиева.