Таласта 2 жаштагы наристе сууга агып кетти. Бул тууралуу маалыматты Өзгөчө кырдаалдар министрлигинен тастыктады.
Маалыматка ылайык, кечээ, 18-июнь күнү ӨКМге Талас районундагы Чоң-Чычкан дарыясына 2 жаштагы бала түшүп кеткендиги тууралуу маалымат түшкөн. Жерине дароо 4 куткаруучу тартылган.
Министрлик учурда издөө иштери уланып жатканын, бул боюнча кошумча маалымат берилерин билдирди.