Бишкекте экскалаторго буту кыпчылып калган үч жашар кызга операция жасалды

Бишкектин соода борборлорунун биринде буту эскалаторго кыпчылып калган 3 жашар кызга операция жасалды. Бул туурасында бүгүн, 24-июнда Саламаттыкты сактоо министрлигинен SUPER.KG порталына тастыкташты.

Маалымдалгандай, наристенин кан тамыр, булчуңдары жанчылып калган.

“Алгач кызга буту сынган деген диагноз коюлган. Учурда анын абалы туруктуу. Ал №3 Шаардык балдар клиникалык тез жардам ооруканасында тиешелүү дарылануудан өтүүдө", - деп билдирди министрликтен.

Айта кетсек, кечээ, 23-июнда Өзгөчө кырдаалдар министрлиги Бишкектеги соода борборлордун бириндеги эскалаторго жаш баланын буту кыпчылып калганын кабарлаган. Куткаруучулар кызды чыгарып, тез жардам кызматына өткөрүп беришкен.

Автор: Замира Ниязбекова