Кыргыз эли эч убакта авторитардык режимди кабыл албай турганы таң калтырды. Бул тууралуу БУУнун баш катчысы Антониу Гутерриш тышкы иштер министри Жээнбек Кулубаев менен жолугушуунун жыйынтыгында айтты.
“Кыргызстандын тышкы иштер министри эркиндик кыргыз элинин канында экенин айтты, бул мени абдан таң калтырды. Ошондой эле министр кыргыз эли эч убакта авторитардык режимге баш ийбей турганын, мындан улам бийликтегилер үчүн демократия менен эркиндик өзүнүн түпкү маанисинде өтө орчундуу экенин да түшүндүрүп берди", - деди баш катчы Гутерриш.