Ошто сел агызып кеткен бир кыздын сөөгү табылды. Бул тууралуу Өзгөчө кырдаалдар министрлигинен билдирди.
Маалыматка ылайык, изделип жаткан 7 жаштагы Н.С. аттуу кыздын жансыз денеси Өзбекстандын Андижан шаарындагы Шахрихонсой сайынан табылды.
Кыздын сөөгү "Достук" чек ара постунан кыргыз тарапка өткөрүлүп берилет.
Учурда селге агып кеткен 2 аял киши жана 2 кичинекей кыз изделүүдө.
ӨКМ буга чейин Төлөйкөн айылындагы "Мөл-Булак" эс алуу борборунда 4 адамды сел суусу агызып кеткенин, анда 44 жаштагы Д.Н. аттуу келин жана анын 19, 10 жана 6 жаштагы кыздары изделип жатканын маалымдаган.