Социалдык тармактарда Ысык-Көл облусунун Маяк айылындагы акы төлөп кирүүчү пирстин видеосу тарап, көпчүлүктү кыжырдантты.
Видеодо көрүнгөндөй, пирске атайын эшик орнотуп, аны тосуп алышкан. Пирсте бир күн кечке жүрүү 100 сом болсо, 1 жолку кирүү 50 сом болгон.
"Жакында аба менен дем алганыбыз үчүн дагы төлөй баштайбызбы?"
"Салык инспекциясы эмнеге ушуларды көзөмөлдөбөйсүздөр? Кана ККМ чектери?"
"Ушундайлардын айынан туристтер таң калып кетип жатышат".
"27 жылдан бери биринчи жолу ушундай нерсени көрүп жатам, сөз жок".
"Бул кылганыңар туура эмес, көл элдики го", - деп көпчүлүк нааразы пикирин комментарийге калтырышууда.