Париж Олимпиадасында дагы бир дүйнөлүк рекорд жаңыланды

Таяк менен секирүү боюнча дүйнөнүн эки жолку чемпиону, швециялык Арманд Дюплантис Париж шаарында өтүп жаткан жайкы Олимпиада оюндарында алтын байге утуп, жаңы дүйнөлүк рекордду жаңылады.

24 жаштагы Дюплантис үчүн бул оюндардын экинчи алтыны. Буга чейин ал Токиодо 6,02 метр бийиктиктен таяк менен секирип ашып өтүп, алтын уткан.

Ал эми Парижде ал биринчи мүмкүнчүлүгүндө 6,10 метр бийиктикке секирген. Кийинки аракетинде ал 6,25 метр бийиктиктен ийгиликтүү секирип өтүп, жаңы дүйнөлүк рекордду койду.

Буга чейинки Олимпиада рекорду бразилиялык Тиаго Брас да Силвага таандык. Ал 2016-жылы Риодо өткөн Олимпиадада 6,03 метр бийиктиктен секирип өтүп, рекорд койгон.

Автор: Азат Бейшенбеков