Жалал-Абад облустук футбол ассоциациясына жаңы президент шайланды

Жалал-Абад облусунун мурдагы башчысы, футбол ассациациясынын президенти Абсаттар Сыргабаев жаңы кызматка которулганына байланыштуу, Президенттин облустагы ыйгарым укуктуу өкүлү Тилек Текебаев облустук футбол ассациациясынын президенти болуп шайланды. Бул туурасында бүгүн, 7-августта мэриянын маалымат кызматы билдирди.

Маалымдалгандай, тийиштүү чечим футбол ассоциациянын жыйынында, мүчөлөрдүн жалпы добушу менен кабыл алынган. Бүгүн ыйгарым укуктуу өкүл тармактын облустагы жетекчилик курамы менен жолугушуп, алдыдагы иш алып баруу багыттарын талкуулашты.

Белгилей кетсек, Президент Садыр Жапаровдун “2024–2034-жылдарга карата Кыргыз Республикасында футболду андан ары өнүктүрүү боюнча чаралар жөнүндө” Жарлыгы кабыл алынган.

Автор: Замира Ниязбекова