Бишкекте ачык асман алдындагы музыкалык кечелер уланып жатат

Өлкөнүн Эгемендүүлүк күнүн жана Кара-Кыргыз автономиялуу облусунун түзүлгөндүгүнүн 100 жылдыгын майрамдоонун алдында борбор калаада ачык асман алдында музыкалык кечелер уланууда.

Бишкек мэриясынан билдиргендей, “Ынтымак-2” сейил багында концерт болуп, анда Кыргыз Эл артисти Элиза Шаршенбаеванын жетекчилиги астында мэриянын үйлөмө аспаптар оркестри, ошондой эле “Доор” фольклордук ансамбли шаардыктарга өз өнөрлөрүн тартуулашты.

"Ачык асман алдындагы музыкалык кечелер” долбоору август айынын аягына чейин уланат.

Эске салсак, бул иш-чара 2-августта башталган.

Автор: Каныкей Амантаева
Фото: Бишкек мэриясы