Килиан Мбаппе "Реалдагы" биринчи оюнунда эле гол киргизип, кубок утту (видео)

Жай айында ПСЖ клубунан Испаниянын "Реал Мадрид" клубуна өткөн атактуу футболчу Килиан Мбаппе мадриддик клубдагы биринчи оюнунда эле кубок утту.

Бүгүн, 15-августка караган түнү УЕФАнын Суперкубогу үчүн "Реал" менен "Аталанта" клубу кез келди. Беттеш Варшава шаарында өтүп, 2:0 эсебинде мадриддик клубдун жеңиши менен аяктады.

Беттештеги голдорду 59-мүнөттө Федерико Вальверде жана 68-мүнөттө Килиан Мбаппе киргизди.

Бул Мбаппенин "Реалдагы" дебюттук оюну болуп, алгачкы оюнунда эле гол киргизип, кубок көтөрдү.

"Реал Мадрид" тарыхта алтынчы жолу УЕФАнын Суперкубогун жеңген алгачкы клуб болду (2002, 2014, 2016, 2017, 2022, 2024). "Барселона" менен "Милан" УЕФАнын Суперкубогун беш жолу жеңип алышкан.