Дүйнөлүк көчмөндөр оюндарына Кыргызстандын командасы өздөрүнүн тоюттары менен барат

Астанада өтө турган V Бүткүл дүйнөлүк көчмөндөр оюндарына Кыргызстандын спортчулары өздөрүнүн тоюттары менен барат. Бул тууралуу мамлекеттик сатып алуулар порталындагы жарыяда маалымдалды.

Спорттун улуттук түрлөрү боюнча дирекция Бүткүл дүйнөлүк көчмөндөр оюндарына катышуу үчүн спортчуларды, жылкыларды, тоюттарды жана дандарды ташууга тендер жарыялады. Бул максаттарга жалпысынан 11 миллион 307 миң 130 сом сарптоо пландалууда.

Катышуучуларды Астанага алып барып, кайра алып келүүгө 864 миң сом бөлүнгөн.

Эске салсак, 8-сентябрдан 14-сентябрга чейин Астанада V Бүткүл дүйнөлүк көчмөндөр оюндары өтөт. Ага 100дөн ашык мамлекеттен жана 4 миңге жакын адамдын катышуусу күтүлүүдө. Бүткүл дүйнөлүк көчмөндөр оюндары 2014, 2016 жана 2018-жылдары Кыргызстанда, ал эми 2022-жылы Түркияда өткөн.

Автор: Бурул Турусбекова
Фото: Интернеттен алынды