"Ал ким?" Тарыхый спортчу Хабиб Нурмагомедовду тааныбай турганын айтты

Грек-рим күрөшү боюнча беш жолку Олимпиада чемпиону Михаин Лопес Орусиянын "Спорт-Экспресс" басылмасына берген маегинде атактуу UFC мушкери Хабиб Нурмагомедовду тааныбай турганын айтты.

"Орусияда азыр эң популярдуу спортчу Хабиб Нурмагомедов. Сиз аны тааныйсызбы?" деген суроо берген журналист ага.

"Хабиб, ал ким? Аны тааныбайт экенмин", - деген Михаин Лопес.

Ошондой эле кубалык балбан UFC беттештерин көрбөй тургандыгын кошумчалаган.

Михаин Лопес кубалык 42 жаштагы балбан. Ал катары менен 5 жолу Олимпиада чемпиону болгон тарыхтагы алгачкы жана жалгыз балбан. Париждеги Олимпиадада алтын уткандан кийин ал карьерасын жыйынтыктаган.

Автор: Азат Бейшенбеков