V Дүйнөлүк көчмөндөр оюндарына катыша турган спортчулардын формасы даяр болду (сүрөт)

Кыргыз курама командасынын V Дүйнөлүк көчмөндөр оюндарына кие турган параддык жана спорттук экипировкасы даяр болду. Бул тууралуу бүгүн, 30-августта Дене тарбия жана спорт департаментинен билдиришти.

Маалым болгондой, форманы ата мекендик “Bigser sport” компаниясы даярдаган.

"Жалпы экипировка 10 элементтен турат. Парадга калпак, блейзер-пиджак, поло футболка, шым тигилсе, спорттук форма үчүн кепка, бомбер куртка, футболка, карго шым, спорттук бут кийим, рюкзак даярдалды", - деп айтылат маалыматта.

Белгилей кетсек, 8-сентябрдан 14-сентябрга чейин Казакстандын Астана шаарында V Бүткүл дүйнөлүк көчмөндөр оюндары өтөт. Ага Кыргызстандан 183 спортчу катышат.

Бүткүл дүйнөлүк көчмөндөр оюндары 2014, 2016 жана 2018-жылдары Кыргызстанда, ал эми 2022-жылы Түркияда өткөн. 2026-жылы Өзбекстанда өтө турган болду.