Иранда Али Хаменеинин постуна чекит белгисин койгон блогер 12 жылга камалды

Иранда блогер Твиттерде чекит белгисин калтырганы үчүн 12 жылга эркинен ажыратылды. Бул тууралуу Iran International компаниясы соттолгон адамдын адвокатына шилтеме берүү менен билдирди.

Маалыматка ылайык, оппозициялык блогер Хоссейн Шанбехзаде Ирандын жогорку лидери Али Хаменеинин постунун алдына бир гана чекит белгисин калтырганы үчүн 12 жылга эркинен ажыратылган. Ал Израилди жактаган пропаганда үчүн күнөөлүү деп табылган.

Чекиттерди жана башка жалгыз символдорду ирандык оппозиционерлер өлкөдөгү режим менен макул эместигин билдирүү үчүн көп колдонушат.

Шанбехзаде буга чейин социалдык тармактарда бийликти сындаганы үчүн абакка кесилген.

Автор: Азат Бейшенбеков