Паралимпиада-2024: Медалдардын саны боюнча кайсы өлкө алдыда?

Франциянын борбору Париж шаарында өтүп жаткан Паралимпиадада медалдардын саны боюнча Кытай лидерликте турат.

Кытай өлкөсү 74 алтын, 55 күмүш, 39 коло байге алып биринчи сапка жайгашты. Ал эми 38 алтын, 30 күмүш,19 коло менен Англия экинчи болсо, 27 алтын, 33 күмүш, 18 коло медаль уткан АКШ үчүнү тизмеден орун алды.

Борбор Азия мамлекеттеринин ичинен 12-орунга жайгашкан Өзбекстан 8 алтын, 6 күмүш, 4 коло менен лидерликте. Ошондой эле 34-сапта турган Казакстан 2 алтын, 2 күмүш, 1 коло байге менен чөлкөмдө 2-орунда. Кыргызстандын капчыгында азырынча медаль жок.

28-августта башталган XVII Жайкы Паралимпиада оюндары 8-сентябрга чейин уланат.

Автор: Кылымбек Бейшеев
Фото: Интернеттен алынды