Көчмөндөр оюндары: Кыргызстан жер улактан Монголияны 16:0 эсебинде утуп алды

Астана шаарында өтүп жаткан V Дүйнөлүк көчмөндөр оюндарында жер улактан (көкпар) кыргыз курама командасы монголиялык атаандаштарын 16:0 эсебинде утуп алды.

Оюндун биринчи 20 мүнөттүк бөлүгүндө кыргыз улакчылары 11 улак салса, 2-бөлүктө 5 упай топтоого жетишти.

Алгачкы эсеп санын Манас Ниязов ачып, оюндун жүрүшүндө дагы 2 улак салды. Ошондой эле команда пайдасына Кубанычбек Султан уулу 3 упай, Майрамбек Рысбеков, Жолдошбек Орозбаев, Дастан Сагынбек уулу 2ден упай алып келишти.

Мындан тышкары Өмүрбек Эсен уулу, Эрлан Төлөбеков, Кушчубай Илгиз уулу, Эмирлан Жеңишбековдор бирден улак сала алышты.