Маданият министрлиги Сауд Арабия менен кызматташат

Маданият министринин биринчи орун басары Чыңгыз Эсенгул уулу Сауд Арабиянын Маданият министрлигинин өкүлдөрү менен жолугушуу өткөрдү. Бул тууралуу бүгүн, 11-сентябрда аталган министрликтен билдиришти.

Анда Бишкекте Сауд Арабиянын маданият борборун куруу боюнча долбоорду ишке ашыруунун жүрүшүн талкуулашты.

“Биз саясий, экономикалык жана маданий-гуманитардык байланыштарыбызды жогору баалайбыз жана маданий борбордун курулушунун контекстинде сиздердин сапарыңыздар бул эки тараптуу мамилелерибизди чыңдоого өбөлгө болот”, - деди Чыңгыз Эсенгул уулу.

Сауд Арабиянын өкүлдөрү салына турчу маданият борбору ишке ашыруу бул эки өлкөнүн маданий алакасын өнүктүрүүгө маанилүү салым болуп, достук менен кызматташтыктын символу болорун баса белгилешти.