Төрага Шакиев Кытайга расмий сапар менен жөнөп кетти

Бүгүн, 12-сентябрда Жогорку Кеңештин төрагасы Нурланбек Шакиевдин Өзбекстандагы иш сапары аяктап, Кытайга расмий сапар менен жөнөп кетти.

Парламенттин басма сөз кызматынан билдиргендей, расмий сапардын алкагында Шакиев Бүткүл Кытай Эл өкүлдөр жыйынынын Туруктуу комитетинин (парламент) төрагасы Чжао Лэцзи, Кытай Элдик саясий консультациялык кеңешинин Улуттук комитетинин төрагасы Ван Хунин баштаган жетекчилер менен эки тараптуу жолугушууларды өткөрөт.

Кошумчалай кетсек, төрага баштаган делегациянын курамында депутаттар Бактыбек Сыдыков, Мурадил Сыдыков, Жылдыз Садырбаева, Айсулуу Мамашова, Карим Ханджеза, Айбек Алтынбеков жана Алишер Козуев бар.

Автор: Бек Оморбеков