Майк Тайсон карьерасындагы эң оор атаандашы ким болгонун айтты

Легендарлуу мушкер Майк Тайсон карьерасындагы эң мыкты ошол эле учурда эң оор атаандаш ким болгонун айтты. Мындай маалыматты чет элдик спортук маалымат каражаттары жазып чыгышты.

Карьерасында Леннокс Льюис менен дагы мушташкан Тайсон Эвандер Холифилдди өзгөчө белгилеген.

"Мен сөзсүз түрдө Холифилдди айтат элем. Ал улуу чемпион, эр жүрөк, чечкиндүүлүк, мыкты жүрүм-турум”, - деген Майк Тайсон.

Эвандер Холифилд менен Майк Тайсон эки жолу жолу беттешкен. Биринчи беттеште Холифилд 11-раундда техникалык нокаут менен жеңген. Экинчи беттеште Майк Тайсон Эвандер Холифилддин кулагын тиштеп алган. Жыйынтыгында Тайсон дисквалификацияланып, жеңиш Холифилдге берилген.

Автор: Азат Бейшенбеков