Садыр Жапаров Нью-Йорк шаарына жетти (сүрөт)

Президент Садыр Жапаровдун учагы Жон Кеннеди атындагы эл аралык аэропортко конду. Бул тууралуу өлкө башчынын маалымат кызматынан билдиришти.

Маалымдалгандай, Садыр Жапаров 21-сентябрда БУУнун Башкы ассамблеясынын 79-сессиясынын жогорку деңгээлдеги жумалыгынын иш-чараларына катышуу үчүн Нью-Йорк шаарына кеткен.

Анын алкагында бүгүн, 22-сентябрда өлкө башчы келечек саммитинин ишине катышып, анда “Келечек пактынын” жыйынтыктоочу документи кабыл алынат.

Ал эми 24-сентябрда Садыр Жапаров БУУнун Башкы ассамблеясынын жалпы дебаттарынын биринчи күнүндө сөз сүйлөйт.

Мындан тышкары, бир катар эки тараптуу жолугушуулар, анын ичинде БУУнун башкы катчысы Антониу Гутерриш менен жолугушуу болот.

Автор: Бек Оморбеков