Белгилүү кыргыз балбаны 4 жылга күрөштөн четтетилди

Грек-рим күрөшү боюнча балбан Акылбек Талантбеков допинг колдонгону үчүн төрт жылга спорттон дисквалификацияланды. Мындай маалымат Эл аралык тестирлөө агенттигинин сайтында маалымдалды.

Андагы маалыматка ылайык, кыргыз балбаны былтыр апрелде Астанада өткөн Азия чемпиондугунан кийин допинг-тесттен өтпөй калган. Анын денесинде тыюу салынган Метастерон дарысынын үлгүсү табылган.

Талантбеков алгач 2023-жылдын 12-июнуна чейин спорттон четтетилип, териштирүүлөр аяктагандан кийин ал 2027-жылдын 11-июнуна чейин 4 жылга дисквалификацияланган.

Эми 2023-жылкы Азия чемпиондугунун алтын медалы казакстандык Диас Каленге берилет.

Автор: Азат Бейшенбеков