"14, 15 жаштагы балдар". Бишкектеги мопед маселеси кайрадан Жогорку Кеңеште көтөрүлдү (видео)

Бүгүн, 25-сентябрда Жогорку Кеңештин жыйынында Бишкектеги мопед маселеси кайрадан көтөрүлдү.

Анда депутат Элдар Сулайманов Бишкекте мопеддерди жаш балдар айдап, жол эрежесин бузуп жатышканын айтты.

"Шаардагы дагы бир чоң көйгөй бул – мопеддер. Кечээ эле жумуштан чыксам аянтта 20дай мопедчен балдар, кыздар чогулуп алышыптыр. Жаштары ашып кетсе 14, 15 жашта да. Ошолор шаарда топ-топ болуп эрежелерди бузуп, тыгын болгон жерде тротуарга же каршы тилкеге чыгып кетип жатат.

Муну жөнгө салбасак болбой калды. Жаныбыздагы кошуна өлкө эле жаңы мыйзам чыгарыптыр. Алар чыгарган мыйзамда мопеддердин каттоо күбөлүгү болушу керек экен. Ал эми айдоочулардын А1 деген категорияда айдоочулук күбөлүгү болушу керек экен. Ушул маселени карап чыксак. Күндө эле жаңылыктарда кырсыкты окуп жатабыз", - деди эл өкүлү.