Садыр Жапаров Бишкекке кайтып келди

Өлкө башчы Садыр Жапаровдун 21-24-сентябрда Нью-Йоркко болгон иш сапары аяктады. Бул тууралуу президенттин басма сөз кызматынан билдирди.

Мамлекет башчысы сапардын алкагында БУУнун Башкы Ассамблеясынын 79-сессиясынын Жогорку деңгээлдеги жумалыгынын иш-чараларына катышты. Тагыраагы, 22-сентябрда Келечек саммитине, 24-сентябрда БУУнун Башкы Ассамблеясынын 79-сессиясынын ачылыш аземине катышып, Жалпы дебаттарында сөз сүйлөдү.

Ошондой эле Европа Кеңешинин президенти Шарль Мишель, Германиянын канцлери Олаф Шольц жана БУУнун башкы катчысы Антониу Гутерриш, Монголиянын президенти Ухнаагийн Хурэлсух жана Финляндиянын президенти Александер Стубб менен сүйлөшүүлөрдү өткөрдү.

Президент Жапаров иш сапарын аяктап, 25-сентябрда Бишкек шаарына кайтып келди.

Автор: Бек Оморбеков