Үч кыргыз спортчусу Армениядагы самбо боюнча эл аралык мелдешке катышат

Кыргызстандын самбо боюнча курама командасы Арменияда өтө турган эл аралык рейтингдик мелдешке катышат. Бул туурасында 25-сентябрда Дене тарбия жана спорт департаментинен билдиришти.

Маалымдалгандай, улуттук курама команданын мүчөлөрү Ереван шаарында өтө турган эл аралык “Cup of the President of the National Olympic Committee of Armenia G.Tsarukyan” мелдешине барат.

Курама команданын тизмеси:

- 64 килограммга чейинки салмакта - Белек Бараканов;

- 88 килограммга чейинки салмакта - Жамалбек Асылбек уулу;

- +98 килограммда Бекболот Токтогонов.

Курама команда башкы машыктыруучу Азамат Казакбаевдин жетекчилиги алдында мелдешке катышат. Мелдеш 28-29-сентябрь күндөрү өтөт.

Автор: Замира Ниязбекова