Акылбек Жапаров: "Бир мык дагы чыгарбаган өлкөдөн унаа чыгарган өлкөгө айландык"

Министрлер кабинетинин төрагасы Акылбек Жапаров "Экономикалык ойдун өнүгүүсү: изилдөөлөр жана чечүү жолдору" аттуу эл аралык илимий-практикалык конференциясында Кыргызстандын экономикасында жакшы көрсөткүчтөр болуп жатканын белгиледи.

"Макроэкономикалык көрсөткүчтөр боюнча өлкөнүн ИДПсынын өсүү темпи 8,7 пайызды түздү, ал эми "Кумтөрдү" эсепке албаганда 10,6 пайызды түздү. 2023-жылы ИДПнын номиналдык көлөмү 1,2 триллион сомдон ашса, быйыл 1,5 триллион сомду түздү. Кытай-Кыргызстан-Өзбекстан темир жолун куруу долбоорун ишке ашыруу башталды. Бул Кыргызстан үчүн стратегиялык маанилүү долбоор. Өлкөнүн материалдык-техникалык базасы жаңыланды. Акыркы 3 жылдын ичинде биз 2 миң чакырым жол курдук, өлкөнүн өнөр жай тармагы жанданууда. Бир мык да чыгарбаган өлкөдөн биз унаа чыгарган өлкөгө айландык", - деди өкмөт башчы.

Автор: Кылымбек Бейшеев
Фото: Министрлер кабинети