Футзал боюнча Дүйнө чемпиондугунда калыс убакыт 00:00 болгондо пенальти койду

Коңшу Өзбекстанда өтүп жаткан футзал боюнча Дүйнө чемпиондугундагы Иран-Марокко беттешинде калыс беттеш дээрлик аяктап, марокколуктар сүйүнүп баштаганда пенальтини каттады.

Кечээ, 26-сентябрь күнү өткөн оюн 4:3 эсебинде марокколуктардын жеңиши менен аяктады. Анда экинчи тайм аяктап, калыс ышкырыгын жаңыртканда марокколук футзалчылар бири-бирин куттуктап сүйүнүп баштаган. Бирок калыс видео кайталоону көргөндөн кийин эреже бузууну каттап, беттештин убактысы 00:00 болгондо Иранга пенальтини берди.

Бул учурда Ирандын башкы машыктыруучусу артты карап турса, марокколук футзалчылар алакандарын жайып, дуба кылып турушту. Жыйынтыгында пенальтини аткарган ирандык футзалчы топту дарбаза мамысына тээп, беттеш жыйынтыкталды.

Муну менен Марокко Дүйнө чемпиондугунун чейрек финалына чыкса, Иран үйүнө кайтты.

Автор: Азат Бейшенбеков