Орус аскерлери "Шахед" учкучсуз учактары менен медициналык мекемеге эки жолу сокку урду

28-сентябрда орус аскерлери "Шахед" тибиндеги учкучсуз учуучу аппараттар менен Сумы шаарындагы ооруканага эки ирет сокку урду. Бул тууралуу чет элдик басылмалар жазды.

Украинанын президенти Владимир Зеленский кол салуудан каза тапкандар жана жараат алгандар болгонун билдирди.

"Ооруканадан 11 адам жабыркап, 113 бейтап эвакуацияланган. Куткаруу иштери уланууда. Биз кесепеттерди жоюп, адамдардын өмүрүн сактап калабыз. Элибизге керектүү жардамды көрсөтүү үчүн колдон келген аракетибизди жасап жатабыз", - деди украин президенти.

Сумы аймактык аскер администрациясынын (OVA) маалыматы боюнча, биринчи соккудан бир адам өлүп, 10 киши жарадар болгон. Жабырлануучулар эвакуацияланып, куткаруучулар менен полиция кызматкерлери жардам көрсөтүп жаткан маалда орусиялык күчтөр кайрадан сокку урган.

Автор: Бек Оморбеков