Министрлик мектептеги кенже кызматкерлердин айлыгын көтөрүүнү сунуштады

Өлкөдө мектептердеги кенже кызматкерлердин айлыгын көтөрүү сунушталууда. Бул тууралуу билим берүү жана илим министринин биринчи орун басары Бекжан Супаналиев бүгүн, 30-сентябрдагы парламенттин Социалдык саясат боюнча комитетинин жыйынында билдирди.

Айтымында, учурда кенже тейлөөчү кызматкерлер 5600 сомдон 11 миң сомго чейин айлык алышат.

"Бүгүнкү күндө кенже тейлөөчү кызматкерлердин айлыктары чындыгында аз. 5600 сомдон 11 миң сомго чейин эле. Буга чейин Финансы министрлиги бардык мамлекеттик мекемелердин кенже тейлөөчү кызматкерлеринин айлыктары боюнча маселени чогуу карала турганын айтышкан. Анын ичинде билим берүү тармагы дагы бар. Азыр ошол багытта иштеп атабыз", - деди Супаналиев.

Супаналиев Финансы министрлигинен айлыкты 100 пайызга көтөрүүнү суранып жатышканын кошумчалады.

Автор: Айжанар Рыспек кызы
Фото: интернеттен алынды