Казакстанда декреттик өргүүдө жүргөн аскер кызматкери өз жанын кыйды

Казакстандын Актау шаарында декреттик өргүүдө жүргөн аскер кызматкери өз жанын кыйды. Маалыматты Актау гарнизонунун басма сөз кызматы тастыктаган. Бул тууралуу казак басылмалары жазышууда.

Маалым болгондой, 39 жаштагы контракттык кызматтын аскер кызматкеринин жансыз денеси өз батиринен табылган.

Алдын ала маалыматтарга караганда, келишим боюнча кызмат өтөгөн аскер кызматкери үй-бүлөлүк чырдан улам өзүн-өзү өлтүргөн. Анын себептери жана жагдайлары такталууда. Факты боюнча кылмыш иши козголгон.

Ошондой эле маалыматта аскер кызматкери бир жыл мурун бала кароо үчүн декреттик өргүүгө чыкканы айтылат.

Эске салсак, буга чейин 19-сентябрда Казакстандын Абай облусунда аскер кызматкеринин жансыз денеси кызматтан тышкаркы убакта жашаган жериндеги батирден табылганы маалым болгон.