Орусияда Кыргызстандын маданият күндөрү өтөт

Кыргызстандын маданият күндөрүн Орусияда өткөрүү боюнча жыйын өттү. Бул туурасында кечээ, 30-сентябрда Маданият, маалымат, спорт жана жаштар саясаты министрлигинен билдиришти.

Маалымдалгандай, жыйынга министрлер кабинетинин төрагасынын орун басары Эдил Байсалов, министр Алтынбек Максутов катышкан.

"Жыйында Казань (Татарстан), Москва, Санкт-Петербург жана Беларустун Минск шаарларында Кыргызстандын маданият күндөрүн өткөрүү боюнча сапаттуу жана өз убагында даярдык көрүүнүн маанилүүлүгү белгиленди. Иш-чаранын жыйынтыгында тиешелүү кызматкерлерге бир катар тапшырмалар берилип, уюштуруу маселелерин чечүүдө министрлик ар тараптуу көмөк көрсөтүүсүн тапшырды", -деп айтылат маалыматта.

Белгилей кетсек, Кара-Кыргыз автономиялуу облусунун түзүлгөндүгүнүн 100 жылдыгына карата 18-22-октябрь күндөрү Кыргызстандын маданият күндөрү Орусиянын бир катар шаарларында өтөт.

Автор: Замира Ниязбекова