Садыр Жапаров Италияга жана Ватиканга расмий сапары менен барат

Өлкө башчы Садыр Жапаров 2-4-октябрь күндөрү Италияга жана Ватиканга расмий сапар менен барат. Бул тууралуу Президенттин администрациясынан билдирди.

Ага ылайык, 3-октябрда Жапаровдун Италиянын президенти Серджо Маттарелла, министрлер кеңешинин төрагасы Жорджей Мелони, депутаттар палатасынын төрагасы Лоренцо Фонтана жана сенаттын төрагасы Иньяцио Ла Русса менен эки тараптуу сүйлөшүүлөрү пландаштырылган.

Италияга болгон сапардын алкагында тараптар кыргыз-италиялык мамилелеринин бүтүндөй комплексин жана алардын өнүгүү келечегин талкуулашат, ошондой эле эл аралык күн тартиби боюнча пикир алмашат.

4-октябрда президент Жапаровдун Рим папасы Франциск менен жолугушуусу болот.