Тазабек Икрамовдун ордуна жаңы депутат болуп келген Алтынбек Кылычбаев ким болгон?

Тазабек Икрамовдун ордуна №13 Сузак шайлоо округу боюнча Жогорку Кеңештин депутаты болуп Алтынбек Кылычбаев шайланып келди. Борбордук шайлоо комиссиясы ага кечээ, 30-сентябрда белгиленген үлгүдөгү күбөлүк жана төш белги тапшырды. Эми ал эртең Жогорку Кеңеште ант берип, кызматына киришет.

Кылычбаев Алтынбек Таирович 1977-жылы 11-июлда Жалал-Абад облусунун Сузак районуна караштуу Ленин айылында жарык дүйнөгө келген.

Үй-бүлөлүү. Жогорку билимдүү. 2001-2007-жылдары Экономика жана ишкердик университетинин дистанттык окуу жана кадрларды кайра даярдоо факультетинде билим алган.

Эмгек жолун 2006-жылы "Намыс МБ" консалтинг компаниясында башкы директорлуктан баштап, 2010-жылга чейин иштеген.

2011-12-жылдары Эмгек,социалдык камсыздоо жана миграция министрлигинин Орусиядагы өкүлчүлүгүнүн сектор башчысы болуп эмгектенген.

2023-жылдын май айынан бери "Жалал-Абад" санаториясынын директорунун орун басары кызматын аркалап келген.

Автор: Бек Оморбеков