Айыл чарба министрлиги айылга жакын жайыттарга малга чектөө киргизүүнү сунуштады

Суу ресурстары, айыл чарба жана кайра иштетүү өнөр жайы министрлиги айылдарга жакын жайыттарга мал жайбоону сунуштады. Бул тууралуу бүгүн, 1-октябрда аталган министрликтин басма сөз кызматы билдирди.

Министрликтин маалыматына караганда, жакынкы жайыттар интенсивдүү пайдаланылып жаткандыгына байланыштуу кунарсыздыкка учурап жатат.

"Мамлекеттик органдарга жакынкы жайыт жерлерине мал жаюуга чектөө киргизүүнү сунуштайбыз. Бул өз кезегинде жайыттарды жакшыртууга жана азык-түлүк коопсуздугун камсыз кылууга түрткү берет", - деп жазылат маалыматта.

Автор: Бурул Турусбекова