Жүргүнчү жана жүк ташыган унаалар текшерилди

Өлкөдө жүргүнчү жана жүк ташыган унаалар текшерилди. Бул тууралуу бүгүн, 1-октябрда Транспорт министрлиги тарабынан билдиришти.

Анда жүргүнчү жана жүк ташуунун талаптары менен белгиленген салмак-габариттик ченемдердин сакталышы текшерилди.

"9-сентябрдан 29-сентябрга чейинки текшерүү иштеринин жүрүшүндө 46 миң 920 транспорт текшерүүдөн өттү. Натыйжада тартип бузган айдоочуларга түшүндүрүү иштери менен бирге Укук бузуулар жөнүндө кодексинин негизинде 739 протокол түзүлүп, 5 миллион 621 миң 500 сом айып пул салынды", - деп айтылат маалыматта.

Белгилей кетсек, жалпы пайдалануудагы автомобиль жолдорунда жүргүзүлгөн рейддик иш-чаралар 7-октябрга чейин уланат.