Мас абалында унаа башкарган Сот департаментинин кызматкери иштен кетти

ЖМК жана социалдык тармактарда мас абалында унаа башкарган видеосу тараган Сот департаментинин Чүй облустук башкармалыгынын кызматкери А.К. жумуштан алынды. Бул тууралуу бүгүн, 2-октябрда аталган департаменттен билдиришти.

Маалыматка ылайык, ал Сот департаментинин Чүй облустук башкармалыгынын сот аткаруучулар кызмат бөлүмдөрүнүн ишин көзөмөлдөө бөлүмүнүн башчысы болгон.

Белгилей кетсек, 1-октябрда Бишкек шаарындагы Милициянын кайгуул кызматы мас абалында унаа башкарган Сот департаментинин кызматкеринин видеосун жарыялаган.

Автор: Айжанар Рыспек кызы
Фото: Социалдык тармак