Израилдин Газа тилкесиндеги чабуулдары: Акыркы суткада 79 киши курман болду

Акыркы 24 саат ичинде Израил армиясы блокададагы Газа тилкесинин ар кайсы аймактарына катуу чабуулдарын улантып, натыйжада 79 палестиналык набыт болду. Бул тууралуу чет элдик басылмалар жазды.

Палестинанын Газа тилкесиндеги жарандык коргонуу башкармалыгынын басма сөз катчысы Махмуд Басалдын айтымында, Израилдин аба күчтөрү Газанын түндүгүнө төрт жолу абадан сокку уруп, натыйжада 32 палестиналык набыт болду.

Кол салуудан сектордун түштүгүндөгү Хан-Юнус провинциясында 30 киши, Газанын борборунда 17 палестиналык каза тапты. Көптөгөн адамдар жаракат алып, алардын абалы оор деп бааланууда. Аткылоо уланууда. Жабыркагандардын саны өсүүдө.

2023-жылдын октябрынан бери Израилдин Газа тилкесине жасаган чабуулунун натыйжасында Палестинанын Саламаттыкты сактоо министрлигинин маалыматы боюнча 41 миңден ашуун палестиналык каза болгон.

Автор: Бек Оморбеков