КМШга мүчө мамлекеттин башчылары кеңештин жыйынын өткөрүү үчүн Кремль сарайына чогулду

Президент Садыр Жапаров бүгүн, 8-октябрда, Көз карандысыз Мамлекеттер Шериктештигине (КМШ) мүчө мамлекет башчыларынын кеңешинин кезектеги жыйынына катышуу үчүн Кремль сарайына келди. Бул туурасында мамлекет башчысынын маалымат кызматы кабарлады.

Иш-чарага келген КМШ мамлекет башчыларын Кремль сарайында Орусиянын мамлекет башчысы Владимир Путин тосуп алды.

Саламдашуу аземи жана чогуу сүрөткө түшүү аяктагандан кийин өлкөлөрдүн лидерлери тар форматтагы жыйын залына өтүштү.

Автор: Замира Ниязбекова